പാറകൾ (Rocks)

AK TIPS August 25, 2025 0

 പാറകൾ (Rocks)

ശിലകൾ

• കൃത്യമായ രാസഘടന ഇല്ലാത്തതും രണ്ടോ അതിലധികമോ ധാതുക്കളുടെ മിശ്രിതവുമായ വസ്തുക്കളാണ് ശിലകൾ.

• രൂപം കൊള്ളുന്ന പ്രക്രിയയുടെ അടിസ്ഥാനത്തിൽ ശിലകളെ മൂന്നായി തിരിക്കുന്നു.

ആഗ്നേയ ശിലകൾ (Igneous Rock)

• മാഗ്മ തണുത്തുറഞ്ഞുണ്ടാകുന്ന ശില.

• പ്രാഥമികശില, അടിസ്ഥാനശില, ശിലകളുടെ മാതാവ്, പിതൃശില എന്നിങ്ങനെ അറിയപ്പെടുന്നു.

• അഗ്നിപർവ്വതജന്യ ശിലകൾ എന്നറിയപ്പെടുന്നു.

• ലോഹ അയിരുകളുടെ മുഖ്യ ഉറവിടം.

• ഫോസിലുകൾ കാണപ്പെടാത്ത ശില.

• ഭൂവൽക്കത്തിൽ ഏറ്റവും കൂടുതൽ കാണുന്ന ശില.

• ആഗ്നേയശിലകൾ രണ്ടുവിധം:

    • ബാഹ്യജാത ശിലകൾ (Extrusive rocks)

    • അന്തർവേധശിലകൾ (Intrusive rocks)

• ഭൂമിയുടെ ഉപരിതലത്തിന് മുകളിലായി ലാവ തണുത്തുറഞ്ഞ് രൂപം കൊള്ളുന്ന ശിലകളാണ് ബാഹ്യജാത ശിലകൾ. 

(ഉദാഹരണം: ബസാൾട്ട്)

• പരൽ രൂപമില്ലാത്ത ശിലകൾ: 

ബസാൾട്ട്

• ബസാൾട്ടിന്റെ അപക്ഷയം മൂലമുണ്ടാകുന്ന മണ്ണ്:

 കറുത്ത പരുത്തിമണ്ണ് (റിഗർ)

• ഭൂമിയുടെ ഉപരിതലത്തിന് അടിയിലായി ലാവ തണുത്തുറഞ്ഞുണ്ടാകുന്ന ശിലകൾ:

 അന്തർവേധശിലകൾ

• പാതാളശിലകൾ അഥവാ പ്ലൂട്ടോണിക് ശിലകൾ എന്നറിയപ്പെടുന്നത്: 

അന്തർവേധശിലകൾ

• ഏറ്റവും നീളം കൂടിയ ആഗ്നേയശിലകൾ:

 ബാത്തോലിത്ത്സ്

• ആഗ്നേയശിലകൾക്ക് ഉദാഹരണങ്ങൾ:

    • ഗ്രാനൈറ്റ്

    • ബസാൾട്ട്

    • ഡോളറൈറ്റ്

    • ഗാബ്രോ

    • ബാത്തോലിത്ത്സ്

    • ലാക്കോലിത്ത്സ്

    • സിൽസ്

    • ഡൈക്ക്സ്

• ശിലകളുടെ രൂപീകരണത്തെക്കുറിച്ച് പഠിക്കുന്ന ശാസ്ത്രശാഖ: 

പെട്രോളജി

• ശിലകളുടെ ഭൗതിക സവിശേഷതകളെക്കുറിച്ച് പഠിക്കുന്ന ശാസ്ത്രശാഖ:

 ലിത്തോളജി

അവസാദ ശിലകൾ (Sedimentary Rock)

• കാലാന്തരത്തിൽ ശിലകൾ ക്ഷയിച്ച് പൊടിയുന്നു. ഈ അവസാദങ്ങൾ പാളികളായി നിക്ഷേപിക്കപ്പെടുകയും പിന്നീട് ഉറച്ച് ശിലകളായി മാറുകയും ചെയ്യുന്നതാണ് അവസാദശിലകൾ.

• ജലജന്യ ശിലകൾ, സ്തരിത ശിലകൾ എന്നിങ്ങനെ അറിയപ്പെടുന്നു.

• അടുക്കു ശിലകൾ എന്നറിയപ്പെടുന്നു.

• ഫോസിലുകൾ കാണപ്പെടുന്ന ശിലകൾ.

• ഭാരവും കാഠിന്യവും കുറവായ ശില.

• പെട്രോളിയം, കൽക്കരി എന്നിവ സ്ഥിതി ചെയ്യുന്നു.

• രൂപം കൊള്ളുന്നതിന്റെ അടിസ്ഥാനത്തിൽ അവസാദ ശിലകളെ മൂന്നായി തിരിക്കുന്നു.

    • ജൈവീക അവസാദശിലകൾ

    • രാസിക അവസാദശിലകൾ

    • ബലകൃത അവസാദശിലകൾ

• ജൈവവസ്തുക്കളിൽ നിന്നും രൂപം കൊള്ളുന്ന അവസാദശിലകളാണ് ജൈവീക അവസാദശിലകൾ.

 ഉദാ : കൽക്കരി, ചോക്ക്, ചുണ്ണാമ്പ് കല്ല്, പെട്രോളിയം

• രാസപ്രവർത്തനം മൂലം ഉണ്ടാകുന്ന അവസാദശിലകളാണ് രാസിക അവസാദശിലകൾ.

 ഉദാ : ജിപ്സം, കല്ലുപ്പ്

• ഉയർന്ന ചൂടും തണുപ്പും മൂലം അപക്ഷയ പ്രക്രിയയിലൂടെ രൂപം കൊള്ളുന്നതാണ് ബലകൃത അവസാദശിലകൾ. 

ഉദാ : ഷെയ്ൽ, കളിമണ്ണ്, മണൽകല്ല്, ലോയിസ്

• കാറ്റിന്റെ നിക്ഷേപണ പ്രക്രിയമൂലമുണ്ടാകുന്ന ശിലാ രൂപങ്ങളാണ് ലോയിസ്.

കായാന്തരിത ശിലകൾ (Metamorphic Rocks)

• ഉയർന്ന മർദ്ദം മൂലമോ താപം മൂലമോ ശിലകൾ ഭൗതികമായും രാസപരമായും മാറ്റങ്ങൾക്ക് വിധേയമായി രൂപപ്പെടുന്ന ശിലകൾ.

• കായാന്തരീകരണത്തിന്റെ ഫലമായി അവസാദശിലകൾക്കും ആഗ്നേയശിലകൾക്കും ഉണ്ടാകുന്ന മാറ്റം

| | |

| ----------------------------- | -------- |

| ബസാൾട്ട് | : ഷിസ്റ്റ് |

| ഗ്രാനൈറ്റ് | : നൈസ് |

| ചുണ്ണാമ്പ് കല്ല് | : മാർബിൾ |

| മണൽകല്ല് | : ക്വാർട്ട്സൈറ്റ് |

| കളിമണ്ണ്, ഷെയ്ൽ | : സ്ലേറ്റ് |

| കൽക്കരി | : ഗ്രാഫൈറ്റ് |

• കേരളത്തിൽ ഏറ്റവും കൂടുതൽ കാണപ്പെടുന്ന ശില.

• രത്നങ്ങൾ, വജ്രം, മരതകം തുടങ്ങിയ വിലപിടിപ്പുള്ള കല്ലുകൾ കായാന്തരിത ശിലകൾക്ക് ഉദാഹരണമാണ്.

• കായാന്തരിത ശിലകകൾക്കുദാഹരണം:

 നയിസ്, ഷിസ്റ്റ്, മാർബിൾ, സ്ലേറ്റ്, ക്വാർട്ട്സൈറ്റ്

ശിലാമണ്ഡലം (Lithosphere)

• ഭൂവൽക്കത്തെയും മാന്റിലിന്റെ ഉപരിഭാഗവും ചേർന്നതാണ് ശിലാമണ്ഡലം.

• പാറക്കെട്ട് നിറഞ്ഞ മണ്ഡലം, സ്ഥലമണ്ഡലം എന്നിങ്ങനെ അറിയപ്പെടുന്നു.

• ശിലാമണ്ഡലത്തിന് താഴെയായി ശിലാപദാർത്ഥങ്ങൾ ഉരുകി അർദ്ധദ്രവാവസ്ഥയിൽ കാണപ്പെടുന്ന ഭാഗം: 

അസ്തനോസ്ഫിയർ

• അഗ്നിപർവ്വതങ്ങളിലൂടെ പുറത്തെത്തുന്ന ലാവയുടെ സ്രോതസ്സ്: 

അസ്തനോസ്ഫിയർ