ഭൗമോപരിതലം

AK TIPS August 26, 2025 0

 ഭൗമോപരിതലം

• സ്ഥലമണ്ഡലം, അന്തരീക്ഷം, ജലമണ്ഡലം, ജൈവമണ്ഡലം എന്നിവ ചേർന്നതാണ് ഭൗമോപരിതലം.

• നമ്മുടെ പരിസ്ഥിതി ഭൗമോപരിതലത്തിന്റെ ഭാഗമാണ്.

സ്ഥലമണ്ഡലം (Lithosphere)

• ഭൂവൽക്കവും മാന്റിലിന്റെ ഖരരൂപത്തിൽ സ്ഥിതിചെയ്യുന്ന ഉപരിമണ്ഡലവും ചേർന്ന ഭാഗം.

• പാറക്കെട്ടുകൾ നിറഞ്ഞ മണ്ഡലം.

• ഭൗമോപരിതലത്തിലെ എല്ലാ വൻകരകളും സമുദ്രങ്ങളും സ്ഥലമണ്ഡലത്തിൻ്റെ ഭാഗമാണ്.

• ശിലാമണ്ഡലം എന്നറിയപ്പെടുന്നു.

അന്തരീക്ഷ മണ്ഡലം (Atmosphere)

• ഭൂമിയെ ആവരണം ചെയ്തിരിക്കുന്ന വായു മണ്ഡലമാണ് അന്തരീക്ഷ മണ്ഡലം.

• അന്തരീക്ഷമണ്ഡലത്തെ ഹോമോസ്‌പിയിർ, ഹെറ്ററോസ്ഫിയർ എന്നിങ്ങനെ രണ്ടായി തിരിച്ചിരിക്കുന്നു.

• ഭൗമോപരിതലത്തിൽ നിന്ന് ഏകദേശം 90 കി.മീ. വരെയുള്ള ഭാഗം ഹോമോസ്‌ഫിയറിന്റെ ഭാഗമാണ്.

• അന്തരീക്ഷപാളികളായ ട്രോപ്പോസ്‌ഫിയർ, സ്ട്രാറ്റോസ്ഫിയർ, മിസോസ്‌ഫിയർ എന്നിവ ഉൾപ്പെട്ടതാണ് ഹോമോസ്ഫിയർ.

• ഹോമോസ്‌ഫിയറിലെ ഏതൊരു വാതകപിണ്ഡ പാളിയെടുത്ത് പരിശോധിച്ചാലും അതിന്റെ രാസഘടന ഒരുപോലെയുള്ളതായി കാണാം.

• ഹോമോസ്ഫിയറിൽ അനുഭവപ്പെടുന്ന ഊഷ്‌മാവിൽ അന്തരം ഉണ്ടാകുന്നുണ്ട്.

• ഹോമോസ്ഫിയറിനു മുകളിലുള്ള അന്തരീക്ഷപാളിയാണ് ഹെറ്ററോസ്ഫിയർ.

• ഹെറ്ററോസ്‌ഫിയറിലെ വാതക രാസഘടന ഐക്യരൂപമുള്ളതല്ല.

ജലമണ്ഡലം (Hydrosphere)

• ഭൗമോപരിതലത്തിൽ കാണപ്പെടുന്ന സമുദ്രങ്ങൾ, നദികൾ, തടാകങ്ങൾ തുടങ്ങിയ എല്ലാ ജലാശയങ്ങളും ഉൾപ്പെടുന്നതാണ് ജലമണ്ഡലം.

ജൈവമണ്ഡലം (Biosphere)

• ജീവനുള്ള വസ്തുക്കൾ കാണപ്പെടുന്ന മണ്ഡലമാണ് ജീവമണ്ഡലം.

• ജൈവമണ്ഡലം എന്ന പദം ആദ്യമായി ഉപയോഗിച്ചത്: 

എഡ്വേർഡ് സൂയിസ്

ഫലക ചലനങ്ങൾ

• അനേകായിരം കിലോമീറ്റർ വിസ്തൃതിയും പരമാവധി 100 കിലോമീറ്റർ കനവുമുള്ള ശിലാമണ്ഡല ഭാഗങ്ങൾ അറിയപ്പെടുന്നത്:

 ശിലാമണ്ഡല ഫലകങ്ങൾ

• ശിലാമണ്ഡല ഫലകങ്ങളെ വലിയ ശിലാമണ്ഡല ഫലകങ്ങളെന്നും ചെറിയ ശിലമണ്ഡല ഫലകങ്ങളെന്നും രണ്ടായി തിരിക്കുന്നു.

• വലിയ ഫലകങ്ങളുടെ എണ്ണം: 

ഏഴ്

വലിയ ശിലാമണ്ഡല ഫലകങ്ങൾ :

    1. ആസ്ത്രേലിയൻ ഫലകം

    2. പസഫിക് ഫലകം

    3. വടക്കേ അമേരിക്കൻ ഫലകം

    4. തെക്കേ അമേരിക്കൻ ഫലകം

    5. ആഫ്രിക്കൻ ഫലകം

    6. യൂറോപ്യൻ ഫലകം

    7. അന്റാർട്ടിക്കൻ ഫലകം

• ഏറ്റവും വലിയ ശിലാമണ്ഡല ഫലകം: 

പസഫിക് ഫലകം

• ഏറ്റവും ചെറിയ ശിലാമണ്ഡല ഫലകം: 

ജുവാൻ ഡി. ഫുക

• ചെറിയ ഫലകങ്ങൾക്ക് ഉദാഹരണങ്ങൾ :

    • ഫിലിപ്പൈൻ

    • കോക്കോസ്

    • നാസ്‌ക

    • കരീബിയൻ

    • സ്കോഷ്യ

    • അറേബ്യൻ

• ശിലാമണ്ഡല ഫലകങ്ങൾ കാണപ്പെടുന്ന ഭാഗം :

 അസ്ത‌നോസ്ഫിയറിന് മുകളിൽ

• ഫലകങ്ങളുടെ ശരാശരി ചലനവേഗത :

 വർഷത്തിൽ 2 മുതൽ 12 സെൻ്റീമീറ്റർ വരെ

• ഫലകങ്ങളുടെ ചലനത്തിന് കാരണമാകുന്നത് :

 മാഗ്മയുടെ സംവഹനപ്രവാഹം

ഫലകചലന സിദ്ധാന്തം (Plate Tectonics Theory)

• വൻകരകളുടെയും സമുദ്രങ്ങളുടെയും പരിണാമത്തെ സംബന്ധിച്ച ഏറ്റവും ആധുനിക സിദ്ധാന്തം.

• ശിലാമണ്ഡലപാളി അസ്തനോസ്ഫിയറിലൂടെ തെന്നി മാറുന്നു എന്ന് പ്രസ്ഥാവിക്കുന്ന സിദ്ധാന്തം.

• ഫലകചലന സിദ്ധാന്തം ആവിഷകരിച്ചത് :

 അർണോൾഡ് ഹോംസ് (1968)

• ഫലക സിദ്ധാന്തം വികസിപ്പിച്ചവർ : 

വില്യം മോർഗൺ, ജാക്ക് ഇ ഒളിവർ, ടൂസോ വിൽസൺ

• ഫലകചലന സിദ്ധാന്തം അനുസരിച്ച് വൻകരകളും സമുദ്രങ്ങളും ഉൾകൊള്ളുന്ന ഭാഗം : 

സ്ഥലമണ്ഡലം (ശിലാമണ്ഡലം)

വിഭേദകസീമ (Divergent margin)

• രണ്ട് ഫലകങ്ങൾ പരസ്‌പരം അകന്നുപോകുന്ന സീമ.

• കടൽത്തറകൾ രൂപപ്പെടുന്നതിന് കാരണമായ പ്രതിഭാസം.

• ആഫ്രിക്കൻ ഫലകത്തിനും തെക്കേ അമേരിക്കൻ ഫലകത്തിനും ഇടയിലുള്ള ഫലകസീമ.

• സമുദ്രാന്തർ പർവ്വതനിരകൾ രൂപംകൊള്ളുന്നതിന് കാരണമായ പ്രതിഭാസം.

• മധ്യഅറ്റ്ലാന്റിക് പർവ്വതനിര രൂപംകൊള്ളുന്നതിന് കാരണമായ പ്രതിഭാസം.

സംയോജക സീമ (Convergent margin)

• രണ്ട് ഫലകങ്ങൾ പരസ്പരം അടുത്തുവരുന്ന സീമ.

• സമുദ്രാന്തര ഗർത്തങ്ങൾ രൂപപ്പെടുന്ന മേഖല:

 നിമജ്ജന മേഖല (Subduction Zone)

• സംയോജക സീമകളിൽ സാന്ദ്രത കൂടിയ ഫലകം സാന്ദ്രത കുറഞ്ഞ ഫലകത്തിനടിയിലേക്ക് ആണ്ടുപോകുന്നതിന്റെ ഫലമായി ഉണ്ടാകുന്ന മേഖല:

 നിമജ്ജന മേഖല

• പസഫിക് സമുദ്രത്തിലെ ചലഞ്ചർ ഗർത്തം നിമജ്ജന മേഖലയ്ക്ക് ഉദാഹരണമാണ്.

• സംയോജക സീമകളിലാണ് മടക്ക് പർവ്വതങ്ങൾ രൂപപ്പെടുന്നത്.

• മടക്കു പർവ്വതങ്ങൾ രൂപപ്പെടുന്നതിന് കാരണമായ പ്രക്രിയ: 

വലനം (Folding)

• മടക്കു പർവ്വതത്തിന് ഉദാഹരണങ്ങൾ: 

ഹിമാലയം, ആൽപ്‌സ്, ആന്റീസ്, അറ്റ്ലസ്

ഛേദകസീമ (Shear margin)

• രണ്ട് ഫലകങ്ങൾ പരസ്പരം ഉരസി നീങ്ങുന്ന സീമ.

• ഭ്രംശമേഖലകൾ രൂപംകൊള്ളുന്നതിന് കാരണമായ പ്രതിഭാസം.

• മടക്കുപർവ്വതങ്ങൾ, പീഠഭൂമികൾ, അഗ്നിപർവ്വതങ്ങൾ എന്നിവ ഈ ഫലകചലനങ്ങളുടെ സംഭാവനയാണ്.

• വടക്കേ അമേരിക്കയിലെ സാൻ ആൻഡ്രിയാസ് ഭ്രംശമേഖല ഛേദകസീമയ്ക്ക് ഉദാഹരണമാണ്.

• വൻകരാവിസ്ഥാപന സിദ്ധാന്തം

• വൻകരാവിസ്ഥാപന സിദ്ധാന്തം ആവിഷ്കരിച്ച വ്യക്തി: 

ആൽഫ്രഡ് വെഗ്നർ (ജർമ്മനി)

• 1912 - ൽ ഫ്രാങ്ക്‌ഫർട്ട് വിസ്ഥാപന സംഘടനയുടെ യോഗത്തിലാണ് വെഗ്നർ ഈ സിദ്ധാന്തം അവതരിപ്പിച്ചത്.

• വൻകരാവിസ്ഥാപനം എന്ന ആശയം മുന്നോട്ട് വെച്ചത്: 

അന്റോണിയോ സ്നിഡർ പെല്ലിഗ്രിനി (1858, അമേരിക്ക)

• വൻകരകൾ ഉൾകൊള്ളുന്ന ഭാഗം (സിയാൽ) സമുദ്രത്തട്ടിനു (സിമ) മുകളിലൂടെ പതുക്കെ തെന്നിമാറി ദശലക്ഷക്കണക്കിന് വർഷങ്ങൾ കൊണ്ടാണ് ഇപ്പോഴുള്ള വൻകരകൾ രൂപപ്പെട്ടതെന്ന് പ്രസ്താവിക്കുന്ന സിദ്ധാന്തം.

• ദശ ലക്ഷകണക്കിന് വർഷങ്ങൾക്ക് മുൻപ് ഇപ്പോഴുള്ള എല്ലാ വൻകരയും ചേർന്നുണ്ടായിരുന്ന ബൃഹത് വൻകര: 

പാൻജിയ (മാതൃ ഭൂഖണ്ഡം)

• പാൻജിയയെ ചുറ്റി ഉണ്ടായിരുന്ന മഹാസമുദ്രം:

 പന്തലാസ

• പാൻജിയയെ രണ്ടായി വിഭജിച്ച സമുദ്രം: 

തെഥിസ്

• പാൻജിയ വേർപ്പെട്ടുണ്ടായ ഭൂഖണ്ഡം:

 ലൗറേഷ്യ (പാൻജിയയുടെ വടക്കുഭാഗം), ഗോണ്ട്വാനാലാന്റ് (പാൻജിയയുടെ തെക്കുഭാഗം)

• ലൗറേഷ്യ പൊട്ടിപിളർന്നുണ്ടായ ഭൂഖണ്ഡങ്ങൾ:

 വടക്കേ അമേരിക്ക, യുറേഷ്യ

• ഗോണ്ട്വാനാലാന്റ് പൊട്ടി പിളർന്നുണ്ടായ ഭൂഖണ്ഡങ്ങൾ: 

തെക്കേ അമേരിക്ക, ആഫ്രിക്ക, ആസ്ട്രേലിയ, അന്റാർട്ടിക്ക, ഏഷ്യ

ഭൗമ ചലനങ്ങൾ

• ഭൂവൽക്കത്തിന് മാറ്റം വരുത്തുന്ന ഭൗമാന്തർ ഭാഗത്തുനിന്നുള്ള ശക്തികളാണ് ഭൗമ ചലനങ്ങൾ.

• ഭൂകമ്പം, അഗ്നിപർവ്വത സ്ഫോടനം എന്നിവയാണ് അന്തർജന്യ ശക്തികൾ.

• ഭൂഭാഗത്തിന് മാറ്റം വരുത്തുന്ന ഭൗമോപരിതലത്തിലെ ശക്തികളാണ് ബാഹ്യജന്യ ശക്തികൾ.

• അപരദനം, അപക്ഷയം, നിക്ഷേപണം എന്നിവ ബാഹ്യജന്യ ശക്തികൾക്കുദാഹരണമാണ്.

• വിപുലമായ ആന്തരിക മാറ്റത്തിന് ഇടയാകുന്ന ഭൂവൽക്കത്തിനുള്ളിലോ ഭൂവൽക്കത്തോടനുബന്ധപ്പെട്ടവയോ ആയ ചലനങ്ങളാണ് വിരൂപണചലനങ്ങൾ.

• ലംബചലനങ്ങൾ, തിരശ്ചീന ചലനങ്ങൾ എന്നിങ്ങനെ വിരൂപണ ചലനത്തെ രണ്ടായി തിരിക്കുന്നു.

• ഭൂഖണ്ഡ രൂപീകരണത്തിന് കാരണമാകുന്ന ചലനങ്ങൾ:

 ലംബ ചലനങ്ങൾ

• മടക്കുപർവ്വത രൂപീകരണത്തിനും അവസാദശിലക ളുടെ രൂപമാറ്റത്തിനും കാരണമാകുന്ന ചലനങ്ങൾ:

 തിരശ്ചീന ചലനങ്ങൾ

• ഭ്രംശനം, വലനം എന്നിവയ്ക്ക് കാരണമാകുന്ന ചലനം: 

തിരശ്ചീന ചലനം

• ഭ്രംശ താഴ്വരകളും ഖണ്ഡ്‌ പർവ്വതങ്ങളും രൂപം കൊള്ളുന്നതിന് കാരണമാകുന്ന ബലം: 

ഭ്രംശനം

ഭൂകമ്പം

• ഭൂകമ്പങ്ങളെ കുറിച്ചുള്ള പഠനം: 

സീസ്‌മോളജി

• ഭൂകമ്പം ഏറ്റവും ശക്തിയായി അനുഭവപ്പെടുന്ന സ്ഥലം: 

അധികേന്ദ്രം

• ഭൂമിയുടെ ആഴങ്ങളിൽ പ്രകമ്പനം ഉണ്ടാകുന്ന കേന്ദ്രങ്ങൾ അറിയപ്പെടുന്നത്: 

പ്രഭവ കേന്ദ്രം (Focus)

• പ്രഭവകേന്ദ്രത്തിന് നേർമുകളിൽ സ്ഥിതിചെയ്യുന്ന ഭൗമോപരിതലകേന്ദ്രം അറിയപ്പെടുന്നത്:

 എപ്പിസെന്റർ

• ഏറ്റവും വേഗതയേറിയ ഭൂകമ്പ തരംഗം:

പ പ്രാഥമിക തരംഗങ്ങൾ

• ഏറ്റവും വേഗതകുറഞ്ഞ ഭൂകമ്പ തരംഗം: 

പ്രതല തരംഗം

• ഏറ്റവും വിനാശകാരികളായ ഭൂകമ്പ തരംഗങ്ങൾ:

 പ്രതല തരംഗങ്ങൾ

• ഭൂകമ്പ തരംഗങ്ങൾ രേഖപ്പെടുത്തുന്ന ഉപകരണം:

 സീസ്മോഗ്രാഫ്

• ഭൂകമ്പത്തിന്റെ തീവ്രത അളക്കുന്ന സ്കെയിൽ:

 റിക്‌ടർ സ്കെയിൽ, മെർക്കല്ലി സ്കെയിൽ

• പൂജ്യം മുതൽ പത്ത് വരെയുള്ള അളവുകളാണ് റിക്‌ടർ സ്കെയിലിൽ രേഖപ്പെടുത്തിയിരിക്കുന്നത്.

• വൻനാശ നഷ്ട്ടങ്ങൾ ഉണ്ടാകുന്നത് റിക്‌ടർ സ്കെയിലിൽ 5.5 ന് മുകളിൽ തീവ്രത രേഖപ്പെടുത്തുമ്പോഴാണ്.

• റിക്‌ടർ സ്കെയിൽ കണ്ടുപിടിച്ച വ്യക്തി: 

ചാൾസ് ഫ്രാൻസിസ് റിക്‌ടർ (യു. എസ്. എ)

• ഭൂകമ്പം രേഖപ്പെടുത്താൻ ഉപയോഗിക്കുന്ന ഉപകരണം:

 ജിയോഫോൺ

• ഏറ്റവും കൂടുതൽ തീവ്രത രേഖപ്പെടുത്തിയ ഭൂകമ്പം ഉണ്ടായ രാജ്യം:

 ചിലി (9.5 തീവ്രത)

• തുടർ ഭൂകമ്പങ്ങളുടെ നാട് എന്നറിയപ്പെടുന്ന രാജ്യം:

 ഹെയ്ത്തി

• ആധുനിക സീസ്മോഗ്രാഫ് കണ്ടുപിടിച്ച വ്യക്തി:

 ജോൺ മിൽനി (ഇംഗ്ലണ്ട്)

പർവ്വതങ്ങൾ

• പർവ്വതങ്ങളെ കുറിച്ചുള്ള പഠനം : 

ഓറോളജി

• പർവ്വതങ്ങൾ രൂപം കൊള്ളുന്ന പ്രക്രിയ :

 ഓറോജനിക്

• ഭൗമോപരിതലത്തിൽ നിന്നും 900 മീറ്ററിലധികം ഉയരമുള്ള പ്രദേശങ്ങളാണ് പർവ്വതങ്ങൾ.

• ലോകപർവ്വത ദിനം : 

ഡിസംബർ 11

• പർവ്വതങ്ങൾ പ്രധാനമായും നാലുതരം.

    • മടക്ക് പർവ്വതങ്ങൾ (Fold Mountains)

    • ഖണ്ഡ പർവ്വതങ്ങൾ (Block Mountains)

    • അവശിഷ്ട പർവ്വതങ്ങൾ (Residual Mountains)

    • അഗ്നി പർവ്വതങ്ങൾ (Volcanic Mountains)

മടക്ക് പർവ്വതങ്ങൾ

• രണ്ട് ഫലകങ്ങൾ കൂട്ടിമുട്ടുന്നതിൻ്റെ ഫലമായി ഉണ്ടാകുന്ന പർവ്വതങ്ങൾ.

• ലോകത്തിലെ ഏറ്റവും പ്രായംകുറഞ്ഞ പർവ്വതങ്ങൾ.

• ലോകത്തിലെ മടക്ക് പർവ്വതങ്ങൾക്ക് ഉദാഹരണമാണ് ഹിമാലയം, റോക്കീസ്, ആൻഡീസ്, ആൽപ്സ്.

ഖണ്ഡ പർവ്വതങ്ങൾ

• രണ്ട് ഫലകങ്ങൾ പരസ്പരം അകന്നുപോകുന്നതിന്റെ ഫലമായി ഉണ്ടാകുന്ന പർവ്വതങ്ങൾ.

• ഹോർസ്റ്റ് പർവ്വതങ്ങൾ എന്നറിയപ്പെടുന്നു.

• ഖണ്ഡ പർവ്വതങ്ങൾക്ക് ഉദാഹരണമാണ് ബ്ലാക്ക് ഫോറസ്റ്റ് (ജർമ്മനി), വോസ്‌ഗെസ് (ഫ്രാൻസ്)

• ഏറ്റവും കൂടുതൽ വിനോദസഞ്ചാരികളെ ആകർഷിക്കുന്ന പർവ്വതനിര : 

ആൽപ്സ‌് പർവ്വതനിര (യൂറോപ്പ്)

• പാശ്ചാത്യ പർവ്വതങ്ങൾ എന്നറിയപ്പെടുന്നത് :

 ആൻഡീസ് (തെക്കേ അമേരിക്ക)

• അവശിഷ്ട പർവ്വതങ്ങൾ

• പ്രകൃതി ശക്തികളുടെ പ്രവർത്തനം മൂലം ചുറ്റുപാടുമുള്ള ഭാഗങ്ങൾക്ക് നാശം സംഭവിച്ച് അവശേഷിക്കുന്ന പർവ്വതങ്ങൾ.

• അവശിഷ്ട പർവ്വതങ്ങൾക്ക് ഉദാഹരണങ്ങളാണ് അപ്പലേച്ചിയൻ (അമേരിക്ക), ആരവല്ലി (ഇന്ത്യ).

പർവ്വതങ്ങളും വൻകരകളും

• ലോകത്തിലെ ഏറ്റവും ഉയരം കൂടിയ പർവ്വതനിര :

 ഹിമാലയം (ഏഷ്യ)

• ലോകത്തിലെ ഏറ്റവും നീളം കൂടിയ പർവ്വതനിര :

 ആൻഡീസ് (തെക്കേ അമേരിക്ക)

• ലോകത്തിലെ ഏറ്റവും പ്രായം കുറഞ്ഞ പർവ്വതനിര :

 ഹിമാലയം

• യൂറോപ്പിലെ ഏറ്റവും വലിയ പർവ്വതനിര : 

ആൽപ്‌സ്

• വടക്കേ അമേരിക്കയിലെ ഏറ്റവും വലിയ പർവ്വതനിര : 

റോക്കി പർവ്വതനിര

• ആഫ്രിക്കയിലെ ഏറ്റവും വലിയ പർവ്വതനിര :

 അറ്റ്ലസ്

കൊടുമുടികൾ

• പർവ്വതങ്ങളിലെ ഉയരം കൂടിയ പ്രദേശങ്ങളാണ് കൊടുമുടികൾ.

• ലോകത്തിലെ ഏറ്റവും ഉയരംകൂടിയ കൊടുമുടി :

 എവറസ്റ്റ് (നേപ്പാൾ)

• ഉത്തരാർദ്ധഗോളത്തിലെ ഏറ്റവും ഉയരം കൂടിയ കൊടുമുടി : 

എവറസ്റ്റ് (8848.86 മീ / 29031.7 അടി)

• ദക്ഷിണാർദ്ധ ഗോളത്തിലെ ഏറ്റവും ഉയരം കൂടിയ കൊടുമുടി: 

അക്വാൻകാഗ്വ (അർജന്റീന)

• ആൻഡീസ് പർവ്വതത്തിൽ സ്ഥിതി ചെയ്യുന്ന പ്രശസ്തമായ കൊടുമുടി: മൗണ്ട് കോട്ടോപാക്സി (ഇക്വഡോർ)

• ആൽപ്സ് പർവ്വത നിരയിലെ ഏറ്റവും ഉയരം കൂടിയ കൊടുമുടി: 

മോണ്ട് ബ്ലാങ്ക് (ഫ്രാൻസ് - ഇറ്റലി)

ഉയരം കൂടിയ കൊടുമുടികൾ

| വൻകര | കൊടുമുടി |

+---------------+----------------+

| ഏഷ്യ | എവറസ്റ്റ് |

+---------------+----------------+

| ആഫ്രിക്ക | കിളിമഞ്ചാരോ |

+---------------+----------------+

| വടക്കേ അമേരിക്ക | മൗണ്ട് മക്കൻലി |

+---------------+----------------+

| തെക്കേ അമേരിക്ക | അക്വാൻകാഗ്വ |

+---------------+----------------+

| അന്റാർട്ടിക്ക | വിൻസൺ മാസ്സിഫ് |

+---------------+----------------+

| യൂറോപ്പ് | മൗണ്ട് എൽബ്രൂസ് |

+---------------+----------------+

| ആസ്ട്രേലിയ | മൗണ്ട് കോസിയാസ്കോ |

+---------------+----------------+

• ബുദ്ധ, ഹിന്ദു, മുസ്ലീം, ക്രിസ്ത്യൻ മതവിശ്വാസികൾ ഒരുപോലെ പാവനമായ കൊടുമുടി: 

ആദാമിന്റെ കൊടുമുടി (ശ്രീലങ്ക)

• കമ്മ്യൂണിസം കൊടുമുടി സ്ഥിതി ചെയ്യുന്ന രാജ്യം:

 താജിക്കിസ്ഥാൻ

• കാർപാത്യൻ പർവ്വതനിര സ്ഥിതി ചെയ്യുന്ന രാജ്യം:

 റൊമാനിയ (യൂറോപ്പ്)

• പാകിസ്ഥാനിലും അഫ്ഗാനിസ്ഥാനിലുമായി കാണപ്പെടുന്ന പർവ്വതനിരകൾ: 

ഹിന്ദുകുഷ്, സുലൈമാൻ