Structure of the Earth

AK TIPS August 20, 2025 0

ഭൂമിയുടെ ഘടന

ഭൂമിയുടെ ഉള്ളറയെ മൂന്നായി തിരിച്ചിരിക്കുന്നു.
1. ഭൂവൽക്കം (Earth Crust)
2. മാന്റിൽ (Mantle)
3. കാമ്പ് (Core)

ഭൂവൽക്കം

• ഭൂമിയുടെ ഏറ്റവും പുറമെയുള്ള പാളി.

• ഭൂമിയുടെ ഉപരിതലത്തിൽ കാണപ്പെടുന്ന ഭാഗം ഏകദേശം 40 കി.മീ. കനം.

• ഭൂവൽക്കത്തിന്റെ രണ്ട് ഭാഗങ്ങളാണ് വൻകര ഭൂവൽക്കം, സമുദ്രഭൂവൽക്കം.

• ഭൂവൽക്കത്തിന്റെ കനം കരഭാഗങ്ങളിലും കടൽഭാഗങ്ങളിലും വ്യത്യാസപ്പെട്ടിരിക്കുന്നു.

• വൻകരകളിൽ ഭൂവൽക്കത്തിന്റെ കനം 60 കി.മീ. ആണ്.

• കടൽത്തറകളിൽ ഭൂവൽക്കത്തിന്റെ കനം 20 കി.മീ. ആണ്

• ബാഹ്യ സിലിക്കേറ്റ് മണ്ഡലമെന്നറിയപ്പെടുന്നു.

• ഭൗമോപരിതലത്തിനുള്ളിലേയ്ക്ക് പോകുംതോറും ഊഷ്മാവ് വർദ്ധിക്കുന്നു.

• ഏറ്റവും സാന്ദ്രത കൂടിയ പാളി.

• ശിലകളുടെയും ധാതുക്കളുടെയും കലവറ.

സിയാലും സിമയും

• സിലിക്ക, അലുമിന എന്നീ ധാതുക്കൾ മുഖ്യമായും അടങ്ങിയിരിക്കുന്നതിനാൽ വൻകര ഭൂവൽക്കത്തെ സിയാൽ (SiAI) എന്നറിയപ്പെടുന്നു.

• സിലിക്ക, മഗ്നീഷ്യം എന്നീ ധാതുക്കൾ മുഖ്യമായും അടങ്ങിയിരിക്കുന്നതിനാൽ സമുദ്ര ഭൂവൽക്കത്തെ സിമ (SiMa) എന്നറിയപ്പെടുന്നു.

മാന്റിൽ

• ഭൂവൽക്കത്തിന് താഴെയായി സ്ഥിതിചെയ്യുന്നു.

• ഭൂവൽക്ക പാളിയ്ക്ക് താഴെ തുടങ്ങി 2900 കി.മീ വരെ വ്യാപിച്ചിരിക്കുന്നു.

• ഉപരിമാന്റിലിൽ പദാർത്ഥങ്ങൾ ഖരാവസ്ഥയിൽ സ്ഥിതിചെയ്യുന്നു.

• അധോമാന്റിലിൽ പദാർത്ഥങ്ങൾ അർദ്ധദ്രാവകാവസ്ഥയിൽ സ്ഥിതിചെയ്യുന്നു.

കാമ്പ്

• ഭൂമിയുടെ കേന്ദ്രഭാഗം.

• 2900 കി.മീ ൽ തുടങ്ങി 6371 കി.മീ വരെ.

• കാമ്പിന് രണ്ട് ഭാഗങ്ങളാണ് പുറക്കാമ്പ്, അകക്കാമ്പ്.

• പുറക്കാമ്പിലെ പദാർത്ഥങ്ങൾ ഉരുകിയ അവസ്ഥയിൽ സ്ഥിതി ചെയ്യുന്നു.

• ബാരിസ്ഫിയർ എന്നറിയപ്പെടുന്ന ഭാഗം.

NIFE

• അകക്കാമ്പ് പ്രധാനമായും നിക്കൽ (Ni), ഇരുമ്പ് (Fe) എന്നീ ധാതുക്കളാൽ നിർമ്മിതമായതിനാൽ NIFE എന്നറിയപ്പെടുന്നു.

• അകക്കാമ്പ് ഖരാവസ്ഥയിൽ സ്ഥിതി ചെയ്യുന്നു.

അതിർവരമ്പുകൾ

• ഭൂവൽക്കത്തിന്റെയും മാന്റിലിന്റെയും അതിർവരമ്പ് മോഹോറോവിസിക് വിച്ഛിന്നത

• മാന്റിലിന്റെയും അകക്കാമ്പിന്റെയും അതിർവരമ്പ് ഗുട്ടൻബർഗ്ഗ് വിച്ഛിന്നത

അന്തരീക്ഷം

• ഭൂമിയെ ആവരണം ചെയ്തിരിക്കുന്ന വായുവിന്റെ പുതപ്പാണ് അന്തരീക്ഷം.

• ഓക്സിജൻ, കാർബൺ ഡയോക്സൈഡ് എന്നീ വാതകങ്ങൾ ഭൂമിയിൽ ജീവഗ്രഹമായി നിലനിർത്തുന്നതിൽ മുഖ്യപങ്ക് വഹിക്കുന്നു.

• വാതകങ്ങൾ, ജലാംശം, പൊടിപടലങ്ങൾ എന്നിവയാണ് അന്തരീക്ഷത്തിലെ പ്രധാന ഘടകങ്ങൾ.

• അന്തരീക്ഷത്തിൽ കാണപ്പെടുന്ന പൊടിപടലങ്ങൾ ഏറോസോളുകൾ എന്നറിയപ്പെടുന്നു.

• അന്തരീക്ഷത്തിലെ നേർത്ത പൊടിപടലങ്ങൾ മേഘ രൂപീകരണത്തെ സഹായിക്കുന്നതിനാൽ ഇവയെ ഘനീകരണമർമ്മം എന്ന് വിശേഷിപ്പിക്കുന്നു.

• ഭൗമോപരിതലത്തിൽ നിന്ന് 10000 കി.മീ ഉയരം വരെ അന്തരീക്ഷത്തിന്റെ സാന്നിധ്യമുണ്ട്.

• ആകെ അന്തരീക്ഷ വായുവിൻ്റെ 97 ശതമാനത്തോളം സ്ഥിതി ചെയ്യുന്നത് ഭൗമോപരിതലത്തിൽ നിന്ന് ഏകദേശം 29 കി.മീ ഉയരം വരെയാണ്.

അന്തരീക്ഷ വാതകങ്ങൾ

| വാതകങ്ങൾ       | വ്യാപ്തം   |
+---------------+----------+
| നൈട്രജൻ        | 78.08%   |
+---------------+----------+
| ഓക്സിജൻ        | 20.95%   |
+---------------+----------+
| ആർഗൺ          | 0.93%    |
+---------------+----------+
| കാർബൺ ഡയോക്സൈഡ് | 0.037%   |
+---------------+----------+
| ഓസോൺ          | 0.001%   |
+---------------+----------+
| നിയോൺ         | 0.002%   |
+---------------+----------+
| ഹീലിയം        | 0.0005%  |
+---------------+----------+
| ക്രിപ്റ്റോൺ      | 0.0001%  |
+---------------+----------+
| ഹൈഡ്രജൻ        | 0.00005% |
+---------------+----------+
| സെനോൺ         | 0.00009% |
+---------------+----------+

• ഭൗമോപരിതലത്തിൽ നിന്ന് ഏകദേശം 90 കി.മീ ഉയരം വരെയുള്ള ഭാഗത്ത് വാതകസംരചന ഒരുപോലെയാണ്. ഈ ഭാഗത്തെ ഹോമോസ്ഫിയർ എന്നറിയപ്പെടുന്നു.

• 90 കി.മീ മുകളിലായി സ്ഥിതി ചെയ്യുന്ന അന്തരീക്ഷഭാഗത്തെ ഹെറ്ററോസ്‌ഫിയർ എന്നുവിളിക്കുന്നു.

• വിവിധ ഉയരങ്ങളിലെ താപനിലക്കനുസരിച്ച് അന്തരീക്ഷത്തെ പ്രധാനമായി നാലു മണ്ഡലങ്ങളായി തിരിച്ചിരിക്കുന്നു.

ട്രോപ്പോസ്ഫിയർ

• ഭൂമിയുടെ പ്രതലത്തോട് ഏറ്റവും അടുത്തുള്ള അന്തരീക്ഷപാളി.

• ട്രോപ്പോസ്ഫിയറിൻ്റെ അർത്ഥം സംയോജന മേഖല എന്നാണ്.

• ദൈനംദിന കാലാവസ്ഥാ വ്യതിയാനത്തിന് കാരണമായ മണ്ഡലം.

• നാം അധിവസിക്കുന്ന അന്തരീക്ഷത്തിലെ മണ്ഡലം ഭൗമാന്തരീക്ഷത്തിൻറെ പിണ്ഡത്തിന്റെ 80 ശതമാനത്തോളം കാണപ്പെടുന്നത് ട്രോപ്പോസ്ഫിയറിലാണ്.

• ധ്രുവപ്രദേശത്ത് 9 കി.മീ വരെയും ഭൂമധ്യരേഖാപ്രദേശത്ത് 18 കി.മീ വരെയും വ്യാപിച്ചു കിടക്കുന്ന അന്തരീക്ഷപാളി.

• മേഘരൂപീകരണം, കാറ്റ്, ഇടിമിന്നൽ, ഹരിതഗൃഹ പ്രവാഹം,മഞ്ഞ്, മഴ, തുടങ്ങിയ അന്തരീക്ഷപ്രതിഭാസങ്ങളെല്ലാം ഈ മണ്ഡലത്തിലാണ് സംഭവിക്കുന്നത്.

• ട്രോപ്പോസ്ഫിയറിൽ ഒരോ 165 മീറ്റർ ഉയരത്തിനും ഒരു ഡ്രിഗ്രി സെൽഷ്യസ് എന്ന തോതിൽ താപം കുറഞ്ഞു വരുന്നു. ഇതിനെ ക്രമമായ താപനഷ്ട നിരക്ക് എന്നുവിളിക്കുന്നു.

• ട്രോപ്പോസ്ഫിയറിൻ്റെ ഉയരം വർദ്ധിക്കുന്നത് ഗ്രീഷ്മ കാലത്താണ്.

ട്രോപോസ്ഫിയറിനെയും സ്ട്രാറ്റോസ്ഫിയറിനെയും വേർതിരിക്കുന്ന രേഖ: 

ട്രോപോപാസ്

• ട്രോപോപാസിലുള്ള വായു പ്രവാഹത്തെ ജെറ്റ് പ്രവാഹങ്ങൾ എന്നറിയപ്പെടുന്നു.

• മാനവരാശിയുടെ ഭവനം എന്നറിയപ്പെടുന്ന അന്തരീക്ഷപാളി.

സ്ട്രാറ്റോസ്ഫിയർ

• ട്രോപോസ്ഫിയറിന് മുകളിലായി 20 മുതൽ 50 കി.മീ വരെ വ്യാപിച്ചു കിടക്കുന്ന അന്തരീക്ഷ മണ്ഡലം.

• സ്ട്രാറ്റോസ്ഫിയറിൻ്റെ താഴ്ന്ന വിതാനങ്ങളിൽ ഉയരം കൂടുന്നതിനനുസരിച്ച് താപനിലയിൽ മാറ്റം അനുഭവപ്പെടുന്നില്ല. ഈ മേഖല സമതാപമേഖല എന്നറിയപ്പെടുന്നു.

• സ്ട്രാറ്റോസ്ഫിയറിൽ ഉയരം കൂടുംതോറും താപനില ക്രമരഹിതമായി ഉയരുന്നു.

• വായുവിൻ്റെ തിരശ്ചീന ചലനം മൂലം വിമാനങ്ങളുടെയും ജെറ്റ് വിമാനങ്ങളുടെയും സഞ്ചാരത്തിന് അനുയോജ്യമായ മണ്ഡലം.

• സ്ട്രാറ്റോസ്ഫിയറിനെയും മീസോസ്ഫിയറിനെയും വേർതിരിക്കുന്നത്: സ്ട്രാറ്റോപാസ്

• ധ്രുവീയ സ്ട്രാറ്റോസ്ഫിയറിൽ കാണപ്പെടുന്ന മേഘപടലങ്ങൾ: നാക്രിയസ്

ഓസോൺ പാളി

• സൂര്യനിൽ നിന്നുമുള്ള അൾട്രാവയലറ്റ് രശ്മികളെ തടയുന്ന ഭൂമിയുടെ രക്ഷാകവചം.

• സ്ട്രാറ്റോസ്ഫിയറിലാണ് ഓസോൺ കവചം സ്ഥിതി ചെയ്യുന്നത്.

• ഭൂമിയിലെ ജീവജാലങ്ങൾക്കും വസ്തുക്കൾക്കും ഉള്ള ഒരു സംരക്ഷണ കവചം.

• അന്തരീക്ഷത്തിൽ നിന്നും 20-35 കി.മീ ഉയരത്തിൽ ഓസോൺ പാളി കാണപ്പെടുന്നു.

• ഓസോൺപാളിയ്ക്കു വരുന്ന കേടുപാടുകൾ അറിയപ്പെടുന്നത്: ഓസോൺ ശോഷണം

• ഓസോൺപാളിയുടെ നാശത്തിന് കാരണമാകുന്ന മേഘങ്ങൾ: നാക്രിയസ് മേഘങ്ങൾ

• ഓസോൺ ദിനമായി ആചരിക്കുന്നത്: സെപ്റ്റംബർ 16

• ഓസോൺ കണ്ടെത്തുന്നതിന് വിക്ഷേപിച്ച ബഹിരാകാശ വാഹനം: നിംബസ് 7

• ക്ലോറോ ഫ്ളൂറോ കാർബൺ, ഹാലോൺ, കാർബൺ മോണോക്സൈഡ് തുടങ്ങിയ വാതകങ്ങൾ ഓസോൺ ശോഷണത്തിന് കാരണമാകുന്നു.

• എല്ലാ വർഷവും സെപ്റ്റംബർ 16 ഓസോൺ ദിനമായി ആചരിക്കാൻ നിശ്ചയിച്ച രാജ്യാന്തര സംഘടന: UNEP (United Nations Environment Programme)

• കേരളത്തിൽ ഓസോൺ ദിനം ആചരിക്കുന്നത് തിരുവനന്തപുരം STEC (സംസ്ഥാന ശാസ്ത്ര സാങ്കേതിക പരിസ്ഥിതി കമ്മിറ്റി) സംഘടനയുടെ ആഭിമുഖ്യത്തിലാണ്.

മോൺട്രിയൽ പ്രോട്ടോക്കോൾ

• ഓസോൺ ശോഷണത്തിന് കാരണമാകുന്ന ഉൽപ്പന്നങ്ങളെ ഘട്ടംഘട്ടമായി നിരോധിക്കുന്നതിനായുള്ള അന്താരാഷ്ട്ര ഉടമ്പടി: മോൺട്രിയൽ ഉടമ്പടി (കാനഡ)

• മോൺട്രിയൽ ഉടമ്പടി ഒപ്പുവച്ചത്: 1987 സെപ്റ്റംബർ 16

• മോൺട്രിയൽ പ്രോട്ടോക്കോൾ നിലവിൽ വന്നത്: 1989 ജനുവരി 1

ഭൂമിയുടെ കുട

• ഓസോൺ കണ്ടെത്തിയത്: ക്രിസ്റ്റ്യൻ ഷോൺബെൻ

• ഓസോൺപാളി കണ്ടെത്തിയ വ്യക്തികൾ: ചാൾസ് ഫാബ്രി, ഹെൻട്രി ബ്യൂയിസൺ

• അന്തരീക്ഷത്തിലെ ഓസോൺപാളിയെക്കുറിച്ച് വ്യക്തമായ വിശദീകരണം നൽകിയ വ്യക്തി: ജി. എം. ബി. ഡോബ്സൺ

• ഓസോൺ സുഷിരം ആദ്യമായി കണ്ടെത്തിയ സ്ഥലം: ഹാലിബേ (1913, അന്റാർട്ടിക്ക)

• ഓസോണിന്റെ അളവ് രേഖപ്പെടുത്തുന്ന യൂണിറ്റ്: ഡോബ്സൺ യൂണിറ്റ്

മിസോസ്‌ഫിയർ

• ഭൂമിയിൽ നിന്നും 50 മുതൽ 80 കി.മീ വരെ വ്യാപിച്ചു കിടക്കുന്ന അന്തരീക്ഷ മണ്ഡലം.

• ഉയരം കൂടുന്നതിനനുസരിച്ച് താപം കുറഞ്ഞു വരുന്നു.

• അന്തരീക്ഷത്തിൽ ഏറ്റവും താഴ്ന്ന ഊഷ്‌മാവ് മിസോ പാസിൽ അനുഭവപ്പെടുന്നു (- 80 മുതൽ - 100 ഡിഗ്രി സെൽഷ്യസ് വരെ).

• അന്തരീക്ഷത്തി്റെ ഏറ്റവും മധ്യഭാഗത്തായി സ്ഥിതി ചെയ്യുന്ന പാളി എന്നർത്ഥമുള്ള അന്തരീക്ഷപാളി.

• ഉൽക്കകൾ മിസോസ്‌ഫിയറിൽ പ്രവേശിക്കുന്നതിലൂടെ ഘർഷണത്താൽ കത്തിച്ചാരമാകുന്നു.

• ഭൂമിയിലെ ഏറ്റവും ഉയരത്തിലുള്ള മേഘങ്ങളായ നൊക്ടിലൂസന്റ് മേഘങ്ങൾ (നിശാമേഘങ്ങൾ) കാണപ്പെടുന്ന അന്തരീക്ഷപാളി.

• മിസോസ്ഫിയറിനു മുകളിലുള്ള സംക്രമണ മേഖല മിസോപാസ് എന്നറിയപ്പെടുന്നു.

തെർമോസ്ഫിയർ

• ഏകദേശം 80 മുതൽ 600 കി.മീ വരെ വ്യാപിച്ചിരിക്കുന്നു.

• ഭൂഗുരുത്വാകർഷണം ഏറ്റവും കുറഞ്ഞ മണ്ഡലം.
• ഏറ്റവും താപനില കൂടിയ പാളി.

• തെർമോസ്ഫിയറിൻ്റെ ഉയരം കൂടുന്തോറും താപനില കൂടുന്നു.

• ധ്രുവപ്രദേശത്ത് കാണപ്പെടുന്ന ഔറോറ പ്രതിഭാസത്തിന് ഉറവിടം.

• തെർമോസ്ഫിയറിന് മുകളിലായി കാണപ്പെടുന്ന മണ്ഡലം: എക്സോസ്ഫിയർ

അയണോസ്‌ഫിയർ

• തെർമോസ്ഫിയറിന്റെ താഴ്ന്ന ഭാഗം.

• (80 മുതൽ 400 കി.മീ വരെ വ്യാപിച്ചിരിക്കുന്നു).

• റേഡിയോ തരംഗങ്ങളുടെ ദീർഘദൂര പ്രക്ഷേപണം സാധ്യമാകുന്ന മണ്ഡലം.

• വാർത്താവിനിമയ ഉപഗ്രഹങ്ങൾ സ്ഥിതി ചെയ്യുന്ന മണ്ഡലം.

• അയണോസ്ഫിയറിനെ കുറിച്ച് സിദ്ധാന്തങ്ങൾ രൂപീകരിച്ച ഇന്ത്യൻ ശാസ്ത്രജ്ഞൻ: 

എസ്. കെ. മിത്ര