മേഘങ്ങൾ
മേഘങ്ങൾ
• അന്തരീക്ഷത്തിലെ നേർത്ത പൊടിപടലങ്ങളെ കേന്ദ്രീകരിച്ച് നീരാവി ഘനീഭവിച്ചാണ് മേഘങ്ങൾ രൂപംകൊള്ളുന്നത്.
• മേഘങ്ങൾ രൂപംകൊള്ളുന്ന ജലകണികകളുടെ വലുപ്പം ഏകദേശം 0.001 സെ.മീ.ൽ താഴെയായതിനാൽ അവ താഴേക്ക് പതിക്കാതെ അന്തരീക്ഷത്തിൽ തങ്ങി നിൽക്കുന്നു.
• രൂപത്തിന്റെ അടിസ്ഥാനത്തിൽ മേഘങ്ങളെ നാലായി തിരിച്ചിരിക്കുന്നു.
സിറസ് മേഘങ്ങൾ, സ്ട്രാറ്റസ് മേഘങ്ങൾ,
ക്യുമുലസ് മേഘങ്ങൾ, നിംബസ് മേഘങ്ങൾ
സിറസ് മേഘങ്ങൾ
• തെളിഞ്ഞ ദിനാന്തരീക്ഷ സ്ഥിതിയിൽ വളരെ ഉയരങ്ങളിൽ നേർത്ത തൂവൽക്കെട്ടുകൾ പോലെ കാണുന്നു.
സ്ട്രാറ്റസ് മേഘങ്ങൾ
• താഴ്ന്ന വിതാനങ്ങളിൽ കനത്ത പാളികളായി കാണപ്പെടുന്നു.
ക്യുമുലസ് മേഘങ്ങൾ
• ഉയർന്ന സംവഹന പ്രവാഹ ഫലമായി രൂപംകൊള്ളുന്ന തൂവൽക്കെട്ടുകൾ പോലുള്ള ഈ മേഘങ്ങൾ ലംബദിശയിൽ കൂടുതലായി വ്യാപിച്ചിരിക്കുന്നു.
നിംബസ് മേഘങ്ങൾ
• താഴ്ന്ന വിതാനങ്ങളിൽ കാണുന്ന ഇരുണ്ട മഴമേഘങ്ങളാണിവ.
• ജലകണികകൾ സാന്ദ്രമായതിനാൽ ഇത് സൂര്യപ്രകാശത്തെ കടത്തിവിടാതെ ഇരുണ്ട നിറത്തിൽ കാണപ്പെടുന്നു.
• ഉയരത്തിൻ്റെ അടിസ്ഥാനത്തിൽ മേഘങ്ങളെ നാലായി തിരിച്ചിരിക്കുന്നു.
1. വളരെ ഉയരത്തിൽ കാണുന്ന മേഘങ്ങൾ (High clouds - 20000 to 40000 ft)
2. മധ്യമേഘങ്ങൾ (Medium clouds - 7000 to 20000 ft)
3. താഴ്ന്ന മേഘങ്ങൾ (Low clouds - < 7000 ft)
4. കൂടുതൽ ഉയരങ്ങളിലേക്ക് വ്യാപിച്ചിട്ടുള്ള മേഘങ്ങൾ (Clouds with great vertical extent - 2000 to 30000 ft)
വർഷണം (Precipitation)
• തുടർച്ചയായി നടക്കുന്ന ഘനീകരണം മേഘങ്ങളിലെ ജലകണികകളുടെ വലുപ്പം കൂട്ടുന്നു. ഗുരുത്വാകർഷണ പ്രതിരോധിക്കാനാകാതെ വരുമ്പോൾ മേഘങ്ങളിൽ നിന്ന് ജലത്തുള്ളികൾ മോചിപ്പിക്കപ്പെടുകയും അത് വിവിധ രൂപങ്ങളിൽ ഭൂമിയിലേക്ക് പതിക്കുകയും ചെയ്യുന്നു. ഈ പ്രക്രിയയാണ് വർഷണം.
• വർഷണം സംഭവിക്കുന്നത് ജലത്തുള്ളികളുടെ രൂപത്തിലാണെങ്കിൽ അതിന് വിളിക്കുന്നത്:
മഴ (Rainfall)
• അന്തരീക്ഷ താപനില 0°C ന് താഴെയായിരിക്കുമ്പോൾ ഉണ്ടാകുന്ന ഹിമകണങ്ങളുടെ വർഷണം:
മഞ്ഞുവീഴ്ച (Snowfall)
• മേഘങ്ങളിൽ നിന്നും ഉണ്ടാകുന്ന ജലത്തുള്ളികൾ അന്തരീക്ഷത്തിൻ്റെ തണുത്ത പാളികളിലൂടെ കടന്നുപോകുമ്പോൾ രൂപംകൊള്ളുന്ന മഞ്ഞുകട്ടകൾ:
ആലിപ്പഴം (Hailstones)
മഴ പലവിധം
• ഉച്ചയ്ക്കുണ്ടാകുന്ന ഇടിമിന്നലോടുകൂടിയ മഴ അറിയപ്പെടുന്നത്:
സംവഹനമഴ (Convectional rain)
• സംവഹന മഴ ഉഷ്ണമേഖലയിലെ ഒരു സാധാരണ പ്രതിഭാസമാണ്.
• കടലിൽ നിന്നുള്ള വായു തീരദേശങ്ങളിൽ വച്ച് കരയിലെ വായുവുമായി കൂട്ടിമുട്ടുന്നതിൻ്റെ ഫലമായി രൂപംകൊള്ളുന്ന മഴ:
തീരദേശ മഴ (Border rain)
• സമുദ്രത്തിൽ നിന്നും വരുന്ന തണുത്ത കാറ്റ് പർവ്വതങ്ങളുടെ വശങ്ങളിൽ തട്ടിയുണ്ടാകുന്ന മഴ:
പർവ്വതവൃഷ്ടി / ശൈലവൃഷ്ടി (Orographic rainfall)
• പർവ്വതങ്ങളുടെ കാറ്റിന് പ്രതികൂലമായ വശങ്ങളിൽ സ്ഥിതിചെയ്യുന്നതും മഴ ലഭിക്കാത്തതുമായ പ്രദേശങ്ങൾ:
മഴനിഴൽ പ്രദേശങ്ങൾ (Rain shadow region)
ഋതുക്കൾ (Seasons)
• ഭൂമിയിൽ വ്യത്യസ്ത ഋതുക്കൾ അനുഭവപ്പെടുന്നതിന് കാരണം:
ഭൂമിയുടെ പരിക്രമണവും അച്ചുതണ്ടിന്റെ ചരിവും.
• ഭൂമിയിൽ രാത്രിയും പകലും ഉണ്ടാകുന്നതിന് കാരണം:
ഭൂമിയുടെ ഭ്രമണം (Rotation of Earth).
• ഭൂമിയുടെ ഭ്രമണ ദിശ:
പടിഞ്ഞാറുനിന്ന് കിഴക്കോട്ട്.
• ദീർഘവൃത്താകൃതിയിലുള്ള സഞ്ചാരപാതയിലൂടെ (Elliptical Orbit) ഭൂമി സൂര്യനെ വലയംവയ്ക്കുന്ന പ്രതിഭാസം:
പരിക്രമണം (Revolution).
• ഭൂമി സൂര്യനോട് ഏറ്റവും അടുത്തു വരുന്ന ദിവസം അറിയപ്പെടുന്നത്:
സൂര്യസമീപക (Perihelion).
• ഭൂമി സൂര്യനോട് ഏറ്റവും അകന്നുപോകുന്ന ദിവസം അറിയപ്പെടുന്നത്:
സൂര്യോച്ചം (Aphelion).
• ഭൂമിയുടെ അച്ചുതണ്ടിന് പരിക്രമണതലത്തിൽ നിന്നുള്ള ചരിവ്:
66 1/2^∘.
• ഭൂമിയുടെ അച്ചുതണ്ടിന് ലംബതലത്തിൽ നിന്നുള്ള ചരിവ്:
23 1/2^∘.
• പരിക്രമണവേളയിലുടനീളം ഭൂമി അച്ചുതണ്ടിന്റെ ചരിവ് നിലനിർത്തുന്നത്:
അച്ചുതണ്ടിന്റെ സമാന്തരം (Parallelism of axis).
• സൂര്യന് ഉത്തരായന രേഖയ്ക്കും (23 1/2^∘ വടക്ക്) ദക്ഷിണായന രേഖയ്ക്കും (23 1/2^∘ തെക്ക്) ഇടയിൽ ഉണ്ടാക്കുന്ന ആപേക്ഷികമായ സ്ഥാനമാറ്റം അറിയപ്പെടുന്നത്:
സൂര്യന്റെ അയനം
(Apparent Movement of Sun)
വിഷുവങ്ങൾ (Equinoxes)
• രാത്രിയും പകലും തുല്യമായി വരുന്ന ദിവസങ്ങളെ വിഷുവങ്ങൾ / സമരാത്രിദിനങ്ങൾ എന്ന് പറയുന്നു.
• ഒരു വർഷത്തിൽ ഉണ്ടാകുന്ന വിഷുവങ്ങളുടെ എണ്ണം:
2
• രണ്ടു വിഷുവങ്ങൾക്കിടയിലുള്ള സമയ വ്യത്യാസം
6 മാസം
• പരിക്രമണ വേളയിൽ സൂര്യന്റെ ആപേക്ഷിക സ്ഥാനം ഭൂമധ്യരേഖയ്ക്ക് നേർമുകളിലായി വരുന്ന ദിവസങ്ങൾ:
മാർച്ച് 21, സെപ്റ്റംബർ 23
• സമരാത്രിദിനങ്ങൾ അഥവാ വിഷുവദിനങ്ങൾ (Equinoxes) എന്നറിയപ്പെടുന്ന ദിനങ്ങൾ:
മാർച്ച് 21, സെപ്റ്റംബർ 23
• വിഷുവ ദിനങ്ങളിൽ രണ്ട് അർദ്ധഗോളങ്ങളിലും പകലുകളുടെ ദൈർഘ്യം തുല്യമായിരിക്കും.
അയനാന്തങ്ങൾ (Solstices)
• രാത്രിയും പകലും തമ്മിലുള്ള ദൈർഘ്യവ്യത്യാസം കൂടുതലായി അനുഭവപ്പെടുന്ന ദിവസങ്ങൾ അറിയപ്പെടുന്നത്:
അയനാന്തങ്ങൾ
• അയനാന്തങ്ങൾ രണ്ടുവിധം.
• സൂര്യൻ ദക്ഷിണായനരേഖയുടെ മുകളിലായിരിക്കുമ്പോൾ അനുഭവപ്പെടുന്നതാണ് മകര അയനാന്തം (Winter Solstice) / ദക്ഷിണ അയനാന്തം.
• സൂര്യൻ ഉത്തരായനരേഖയുടെ മുകളിലായിരിക്കുമ്പോൾ അനുഭവപ്പെടുന്നതാണ് കർക്കിടക അയനാന്തം (Summer Solstice).
• ഉത്തരാർദ്ധഗോളത്തിൽ ഏറ്റവും ദൈർഘ്യമേറിയ പകൽ അനുഭവപ്പെടുന്ന ദിവസം:
ജൂൺ 21 (ഗ്രീഷ്മ അയനാന്ത ദിനം, Summer Solstice)
• മാർച്ച് 21 മുതൽ ഭൂമധ്യരേഖയിൽ നിന്നും വടക്കോട്ട് അയനം ചെയ്ത് ജൂൺ 21 ന് സൂര്യൻ ഉത്തരായനരേഖയ്ക്ക് നേർ മുകളിലെത്തുന്നു.
• ദക്ഷിണാർദ്ധഗോളത്തിൽ ഏറ്റവും ദൈർഘ്യമേറിയ പകൽ അനുഭവപ്പെടുന്ന ദിവസം:
ഡിസംബർ 22 (ശൈത്യ അയനാന്ത ദിനം, Winter solstice)
• ഇന്ത്യയിൽ ഏറ്റവും കൂടുതൽ ദൈർഘ്യമുള്ള പകൽ അനുഭവപ്പെടുന്ന ദിവസം:
ജൂൺ 21
• ഇന്ത്യയിൽ ഏറ്റവും കൂടുതൽ ദൈർഘ്യമുള്ള രാത്രി അനുഭവപ്പെടുന്ന ദിവസം:
ഡിസംബർ 22
• ശൈത്യകാലത്തിൽ നിന്ന് ഉഷ്ണകാലത്തിലേക്കുള്ള മാറ്റത്തിന്റെ കാലം അറിയപ്പെടുന്നത്:
വസന്തകാലം (Spring Season)
• ഉത്തരാർദ്ധഗോളത്തിൽ വസന്തകാലം അനുഭവപ്പെടുന്ന മാസങ്ങൾ:
മാർച്ച്, ഏപ്രിൽ
• വേനൽക്കാലത്തിന്റെ തീക്ഷ്ണതയിൽ നിന്നും ശൈത്യത്തിലേക്കുള്ള മാറ്റം അറിയപ്പെടുന്നത്:
ഹേമന്തകാലം (Autumn Season)
• പകലിന്റെ ദൈർഘ്യം കുറഞ്ഞ് രാത്രിയുടെ ദൈർഘ്യം കൂടുന്ന കാലം:
ഹേമന്തകാലം
• മരങ്ങൾ പൊതുവെ ഇലപൊഴിക്കുന്ന കാലം:
ഹേമന്തകാലം
• ഉത്തരാർദ്ധഗോളത്തിൽ ഹേമന്തകാലം അനുഭവപ്പെടുന്ന മാസങ്ങൾ:
ഒക്ടോബർ, നവംബർ
• ഉത്തരാർദ്ധഗോളത്തിൽ വസന്തകാലമായിരിക്കുമ്പോൾ ദക്ഷിണാർദ്ധഗോളത്തിൽ ഹേമന്തകാലമായിരിക്കും.
• പെരിഹീലിയൻ ദിനം : ജനുവരി 3
• വസന്ത വിഷുവം (Vernal Equinox) : മാർച്ച് 21
• ഗ്രീഷ്മ / കർക്കിടക അയനാന്തം : ജൂൺ 21
• അഫ്ഹീലിയൻ ദിനം : ജൂലൈ 4
• ശരത് വിഷുവം (Autumnal Equinox) : സെപ്റ്റംബർ 23
• മകര/ശൈത്യ അയനാന്തം : ഡിസംബർ 22
ഇന്ത്യയിലെ പരമ്പരാഗത ഋതുക്കൾ
• വസന്തകാലം - മാർച്ച് - ഏപ്രിൽ
• ഗ്രീഷ്മകാലം - മെയ് - ജൂൺ
• വർഷകാലം - ജൂലൈ - ഓഗസ്റ്റ്
• ശരത്കാലം - സെപ്റ്റംബർ - ഒക്ടോബർ
• ഹേമന്തകാലം - നവംബർ - ഡിസംബർ
• ശിശിരകാലം - ജനുവരി - ഫെബ്രുവരി
• രാശിയും ഞാറ്റുവേലയും
• ഭൂമിയുടെ വാർഷിക ചലനംകൊണ്ട് സൂര്യന്റെ പാതാലത്തിൽ വരുന്ന നക്ഷത്രങ്ങൾക്കിടയിലൂടെ സൂര്യൻ നീങ്ങുന്നതായി തോന്നുന്നു. ഈ സൗരപാതയെ ക്രാന്തിവൃത്തം എന്ന് പറയുന്നു.
• ക്രാന്തിവൃത്തത്തെ 12 ഭാഗങ്ങളായി തിരിച്ചിരിക്കുന്നു. ഇവയാണ് 12 സൗരരാശികൾ.
• ഒരു രാശിയിലുള്ള നക്ഷത്രത്തിന്റെ പേരാണ് ആ രാശി അറിയപ്പെടുന്നത്.
• ഒരു നാളിനോടോപ്പം സൂര്യൻ കാണപ്പെടുന്നതായി തോന്നുന്ന കാലയളവാണ് ഞാറ്റുവേല.
• ഒരു ഞാറ്റുവേലയുടെ കാലയളവ് ഏകദേശം 13 മുതൽ 14 ദിവസങ്ങളാണ്.
• ഒരു വർഷത്തെ ഞാറ്റുവേലയുടെ എണ്ണം 27 ആണ്.
ഋതുചക്രം
• മാർച്ച് 21 മുതൽ ജൂൺ 21 വരെ: സൂര്യന്റെ അയനം: ഭൂമധ്യരേഖയിൽ നിന്ന് ഉത്തരായനരേഖയിലേക്ക്. ഋതുക്കൾ: ഉത്തരാർദ്ധഗോളത്തിൽ വസന്തം, ദക്ഷിണാർദ്ധഗോളത്തിൽ ഹേമന്തം.
• ജൂൺ 21 മുതൽ സെപ്റ്റംബർ 23 വരെ: സൂര്യന്റെ അയനം: ഉത്തരായനരേഖയിൽ നിന്ന് ഭൂമധ്യരേഖയിലേക്ക്. ഋതുക്കൾ: ഉത്തരാർദ്ധഗോളത്തിൽ ഗ്രീഷ്മം, ദക്ഷിണാർദ്ധഗോളത്തിൽ ശൈത്യം.
• സെപ്റ്റംബർ 23 മുതൽ ഡിസംബർ 22 വരെ: സൂര്യന്റെ അയനം: ഭൂമധ്യരേഖയിൽ നിന്ന് ദക്ഷിണായനരേഖയിലേക്ക്. ഋതുക്കൾ: ഉത്തരാർദ്ധഗോളത്തിൽ ഹേമന്തം, ദക്ഷിണാർദ്ധഗോളത്തിൽ വസന്തം.
• ഡിസംബർ 22 മുതൽ മാർച്ച് 21 വരെ: സൂര്യന്റെ അയനം: ദക്ഷിണായനരേഖയിൽ നിന്ന് ഭൂമധ്യരേഖയിലേക്ക്. ഋതുക്കൾ: ഉത്തരാർദ്ധഗോളത്തിൽ ശൈത്യം, ദക്ഷിണാർദ്ധഗോളത്തിൽ ഗ്രീഷ്മം.
Post a Comment