Temperature

AK TIPS September 07, 2025 0

 താപനിലയും ഋതുക്കളും

താപനില

• ഭൂമിയുടെ ഊർജ്ജസ്രോതസ്സ്:

    സൂര്യൻ

• ഹൃസ്വതരംഗങ്ങളായാണ് സൗരോർജ്ജം ഭൂമിയിലേക്ക് എത്തുന്നത്. ഇതിനെ സൗരവികിരണം (Insolation) എന്നറിയപ്പെടുന്നു.

• അന്തരീക്ഷതാപന പ്രക്രിയകളെ നാലായി തിരിച്ച് രേഖപ്പെടുത്തുന്നു.

    1. താപചാലനം

    2. സംവഹനം

    3. അഭിവഹനം

    4. ഭൂമവികിരണം

• ചൂടുപിടിച്ച ഭൗമോപരിതലത്തോട് ചേർന്ന് സ്ഥിതി ചെയ്യുന്ന അന്തരീക്ഷ ഭാഗത്തേക്ക് താപം പകരുന്ന രീതി:

    താപചാലനം (Conduction)

• താപചാലനം എന്ന പ്രക്രിയ മുഖ്യമായും ഖരവസ്തുക്കളിലാണ് സംഭവിക്കുന്നത്.

• ചൂടായ വായു വികസിച്ച് ഉയരുന്ന താപവ്യാപന പ്രക്രിയ:

    സംവഹനം (Convection)

• സംവഹനം മുഖ്യമായും ഉണ്ടാകുന്നത് ദ്രാവകങ്ങളിലാണ്.

• കാറ്റിലൂടെ തിരശ്ചീനതലത്തിൽ നടക്കുന്ന താപവ്യാപന പ്രക്രിയ:

    അഭിവഹനം (Advection)

• താപചാലനം, സംവഹനം, അഭിവഹനം എന്നീ പ്രക്രിയകൾ ധൂമകർഷം ഭൂമിയോട് ചേർന്ന അന്തരീക്ഷ ഭാഗങ്ങളിലാണ് സംഭവിക്കുന്നത്.

• ദീർഘതരംഗ രൂപത്തിൽ ഭൗമോപരിതലത്തിൽ നിന്ന് ഉന്നതാകാശത്തേക്ക് താപം മടങ്ങിപോകുന്ന പ്രക്രിയ:

    ഭൂമവികിരണം (Terrestrial Radiation)

 ഹ്രസ്വതരംഗങ്ങളും ദീർഘതരംഗങ്ങളും

• ഊർജ്ജം കൂടിയ വസ്തുക്കൾ തരംഗദൈർഘ്യം കുറഞ്ഞ വൈഡ്യൂത കാന്തിക തരംഗങ്ങളായി ഊർജ്ജ വികിരണം നടത്തുന്നത് ഇവയെ ഹ്രസ്വ തരംഗങ്ങൾ എന്നറിയപ്പെടുന്നു.

    • ഉദാ: സൗരവികിരണം

• ഊർജ്ജം കുറഞ്ഞതും തരംഗദൈർഘ്യം കൂടിയതുമായ തരംഗങ്ങളാണ് ദീർഘതരംഗങ്ങൾ.

     ഉദാ: ഭൗമവികിരണം

• ഹരിതഗൃഹ വാതകങ്ങൾ ഭൗമവികിരണത്തെ ആഗിരണം ചെയ്യുന്നതിനാൽ അന്തരീക്ഷം മുഖ്യമായും ചൂടാകുന്നത് ഭൗമവികിരണത്താലാണ്.

• സൗരതാപനവും ഭൗമവികിരണവും തമ്മിലുള്ള സന്തുലനം:

     ഹിറ്റ് ബഡ്ജറ്റ് (താപസന്തുലനം)

• ഭൗമോപരിതല താപം മിതമായി നിലനിർത്തുന്ന പ്രക്രിയ:

     ഹിറ്റ് ബഡ്ജറ്റ്

• ഭൗമോപരിതലത്തിനും അന്തരീക്ഷത്തിനുമായി ആകെ ലഭിക്കുന്ന ഊർജ്ജം:

     65 യൂണിറ്റ്

• ഭൗമോപരിതലവും അന്തരീക്ഷവും പുറത്തുവിടുന്ന ആകെ ഊർജ്ജം:

    

 65 യൂണിറ്റ്

• താപസന്തുലന പ്രക്രിയയിലൂടെ ഭൗമോപരിതലത്തിൽ ലഭിക്കുന്ന മുഴുവൻ ഊർജ്ജവും വിവിധ മാർഗ്ഗങ്ങളിലൂടെ ശൂന്യാകാശത്തേക്ക് മടങ്ങിപോകുന്നു.

• അന്തരീക്ഷത്തിലെ താപത്തിന്റെ തീവ്രതയുടെ അളവ്:

     താപനില

• ഒരു ദിവസത്തെ ഏറ്റവും കൂടിയ താപനില കണക്കാക്കുന്ന സമയം:

    ഉച്ചയ്ക്ക് 2 മണി

• അന്തരീക്ഷം ചൂടാകുന്നത് ഏറ്റവും കൂടുതലായി അനുഭവപ്പെടുന്ന സമയം:

    ഉച്ചയ്ക്ക് 2 മണി

• ഏറ്റവും കുറഞ്ഞ താപനില കണക്കാക്കുന്ന സമയം:

    സൂര്യോദയത്തിന് തൊട്ടുമുമ്പ്

• ഭൗമവികിരണം പരമാവധിയിലെത്തുന്ന സമയം:

    സൂര്യോദയത്തിന് തൊട്ടുമുമ്പ്

• അന്തരീക്ഷ താപനില അളക്കുന്ന ഉപകരണം:

    മാക്സിമം - മിനിമം തെർമോമീറ്റർ

• മാക്സിമം തെർമോമീറ്ററിനുള്ളിൽ നിറച്ചിരിക്കുന്ന ദ്രാവകം:

    രസം

• മിനിമം തെർമോമീറ്ററിനുള്ളിൽ മുകൾ ഭാഗത്ത് നിറച്ചിരിക്കുന്ന ദ്രാവകം:

    ആൽക്കഹോൾ

• ഒരു ദിവസത്തെ കൂടിയ താപനിലയും കുറഞ്ഞ താപനിലയും തമ്മിലുള്ള വ്യത്യാസം:

    ദൈനികതാപാനന്തരം

    (Diurnal range of temperature)

• ഒരു ദിവസത്തെ ശരാശരി താപനില:

    ദൈനിക ശരാശരി താപനില

    (Daily mean temperature)

Quick Study

• കൂടിയ താപനില - കുറഞ്ഞ താപനില

    = ദൈനികതാപാനന്തരം

• കൂടിയ താപനില + കുറഞ്ഞ താപനില

    ----------------------------------

                 2

    = ദൈനിക ശരാശരി താപനില

• സമുദ്രനിരപ്പിലെ ഒരേ അന്തരീക്ഷ താപനിലയുള്ള പ്രദേശങ്ങളെ യോജിപ്പിച്ച് വരക്കുന്ന സാങ്കൽപ്പിക രേഖകൾ വിളിക്കുന്ന പേര്:

    സമതാപ രേഖകൾ (Isotherms)

• ഭൂമിയിലെ ഏറ്റവും ഉയർന്ന താപനിലയുള്ള പ്രദേശങ്ങളെ യോജിപ്പിച്ച് സമതാപ രേഖകൾ വരച്ചാൽ അത് ഭൂമധ്യരേഖക്ക് സമീപത്തുകൂടി കടന്നുപോകും. ഈ സാങ്കൽപ്പിക രേഖകൾ അറിയപ്പെടുന്നത്:

    താപീയ മധ്യരേഖ (Thermal equator)

• താപവിതരണത്തെ സ്വാധീനിക്കുന്ന ഘടകങ്ങൾ:

    അക്ഷാംശസ്ഥാനം, ഉയരം, സമുദ്രസാമീപ്യം, കാറ്റുകൾ

• ട്രോപോസ്ഫിയറിലെ താപനില ഉയരത്തിനനുസരിച്ച് ഓരോ 165 മീറ്ററിനും 1° സെൽഷ്യസ് എന്ന തോതിൽ കുറഞ്ഞുവരുന്നു.

• സമുദ്രനിരപ്പിൽ നിന്ന് വളരെ ഉയർന്നു സ്ഥിതി ചെയ്യുന്ന പ്രദേശങ്ങളിൽ താപനില താരതമ്യേന കുറവായിരിക്കും.

• സമുദ്ര സാമീപ്യമുള്ള സ്ഥലങ്ങളിൽ താപാനുഭവം കുറവും ഉൾപ്രദേശങ്ങളിൽ കൂടുതലുമായിരിക്കും.

• സ്ഥിരമിതമായ താപനില നിലനിൽക്കുന്ന പ്രദേശം:

    സമുദ്ര സാമീപ്യമുള്ള സ്ഥലങ്ങൾ

• ഉഷ്ണക്കാറ്റുകൾ കടന്നുപോകുന്ന പ്രദേശങ്ങളിൽ അന്തരീക്ഷ താപനില ഉയരുകയും ശീതക്കാറ്റുകൾ കടന്നുപോകുന്ന പ്രദേശങ്ങളിൽ അന്തരീക്ഷ താപനില താഴുകയും ചെയ്യുന്നു.

• സമതാപ രേഖകൾ വളഞ്ഞു കാണപ്പെടുന്നതിന് കാരണം:

    കരയും കടലും വ്യത്യസ്തമായി ചൂടുപിടിക്കുന്നതുകൊണ്ട്

• മർദം, കാറ്റുകൾ, മേഘം, വർഷണം തുടങ്ങിയ അന്തരീക്ഷ പ്രതിഭാസങ്ങൾക്കു പിന്നിലുള്ള പ്രധാന കാരണം:

    അന്തരീക്ഷ താപനിലയിലെ ഏറ്റക്കുറച്ചിൽ

 താപീയ മേഖലകൾ

• സൂര്യപ്രകാശം ഭൗമോപരിതലത്തിൽ ലഭിക്കുന്നതിന്റെ അടിസ്ഥാനത്തിൽ ഭൂമിയെ മൂന്ന് താപീയ മേഖലകളായി തിരിച്ചിട്ടുണ്ട്.

• സൗരോർജ്ജം ഏറ്റവും തീക്ഷ്ണമായി ലഭിക്കുന്ന പ്രദേശം:

    ഉഷ്ണമേഖല (Tropical Zone / Torrid Zone)

• ഉത്തരായന രേഖയ്ക്കും (231/2^∘ വടക്ക്) ദക്ഷിണായന രേഖയ്ക്കും (231/2^∘ തെക്ക്) ഇടയിൽ സ്ഥിതിചെയ്യുന്ന താപീയ മേഖല:

    ഉഷ്ണമേഖല

• ഉത്തരായന രേഖയ്ക്കും (231/2^∘ വടക്ക്) ആർട്ടിക്ക് വൃത്തത്തിനും (661/2^∘ വടക്ക്) ദക്ഷിണായന രേഖയ്ക്കും (231/2^∘ തെക്ക്) അന്റാർട്ടിക്ക് വൃത്തത്തിനും (661/2^∘ തെക്ക്) ഇടയിൽ സ്ഥിതിചെയ്യുന്ന താപീയ മേഖല:

    സമശീതോഷ്ണ മേഖല (Temperate Zone)

• ആർട്ടിക്ക് വൃത്തത്തിനും (661/2^∘ വടക്ക്) ഉത്തര ധ്രുവത്തിനും (90^∘ വടക്ക്) അന്റാർട്ടിക്ക് വൃത്തത്തിനും (661/2^∘ തെക്ക്) ദക്ഷിണ ധ്രുവത്തിനും (90^∘ തെക്ക്) ഇടയിൽ സ്ഥിതിചെയ്യുന്ന താപീയ മേഖല:

    ശൈത്യ മേഖല (Frigid Zone)

ആർദ്രത (Humidity)

• അന്തരീക്ഷത്തിലെ ജലാംശത്തെ വിളിക്കുന്ന പേര്:

    ആർദ്രത (Humidity)

• അന്തരീക്ഷത്തിലെ ജലത്തിൻ്റെ അളവിനെ സ്വാധീനിക്കുന്ന ഘടകങ്ങൾ:

    താപനില, ജലലഭ്യത, അന്തരീക്ഷ സ്ഥിതി

• വായുവിലടങ്ങിയിട്ടുള്ള നീരാവിയുടെ യഥാർത്ഥ അളവ്:

    കേവല ആർദ്രത (Absolute Humidity)

• കേവല ആർദ്രത അളക്കുന്ന യൂണിറ്റ്:

    g/m³

• നിശ്ചിത ഊഷ്മാവിൽ അന്തരീക്ഷത്തിന് ഉൾക്കൊള്ളാൻ കഴിയുന്ന നീരാവിയുടെ അളവ്:

 

   പൂരിതാവസ്ഥ (Saturation level)

• ഘനീകരണം ആരംഭിക്കുന്ന നിർദ്ദിഷ്ട ഊഷ്മാവ്:

    തുഷാരബിന്ദു (Dew point)

 അപേക്ഷിക ആർദ്രത (Relative Humidity)

• നിശ്ചിത ഊഷ്മാവിൽ അന്തരീക്ഷത്തിന് ഉൾക്കൊള്ളാൻ കഴിയുന്ന ആകെ നീരാവിയുടെ എത്ര ശതമാനമാണ് അന്തരീക്ഷത്തിൽ നിലവിലുള്ളതെന്ന് കാണിക്കുന്ന അനുപാതമാണിത്. ഈ അനുപാതിക അളവാണ് അപേക്ഷിക ആർദ്രത (Relative Humidity).

• താപവ്യത്യാസം കൂടുമ്പോൾ അപേക്ഷിക ആർദ്രത കുറയും. താപവ്യത്യാസം കുറയുമ്പോൾ അപേക്ഷിക ആർദ്രത കൂടുതലായിരിക്കും.

• അപേക്ഷിക ആർദ്രത അളക്കുന്ന ഉപകരണം:

    വെറ്റ് ആൻ്റ് ഡ്രൈ ബൾബ് തെർമോമീറ്റർ

 ഘനീകരണം സംഭവിക്കുന്നത് എപ്പോൾ ???

    അന്തരീക്ഷം പൂരിതാവസ്ഥയിൽ എത്തിച്ചേരുകയും നീരാവി അന്തരീക്ഷത്തിൽ എത്തുകയോ താപനില ഗണ്യമായി കുറയുകയോ ചെയ്യുമ്പോൾ നീരാവിക്ക് ഘനീകരണം സംഭവിക്കുന്നു.

• പ്രധാന ഘനീകരണ രൂപങ്ങൾ:

    തുഷാരം, മൂടൽമഞ്ഞ്, ഹിമം, മേഘങ്ങൾ

• രാത്രികാലങ്ങളിൽ ഭൗമോപരിതലം തണുക്കുന്നതിനെത്തുടർന്ന് ഉപരിതലത്തോട് ചേർന്ന് സ്ഥിതി ചെയ്യുന്ന നീരാവി ഘനീഭവിച്ച് വെള്ളത്തുള്ളികളായി ഭൂമിയുടെ ഉപരിതലത്തിലെ തണുത്ത പ്രതലത്തിൽ പറ്റിപ്പിടിക്കുന്നു. ഇവ അറിയപ്പെടുന്നത്:

    തുഷാരം (Dew)

• രാത്രികാലങ്ങളിൽ ഉപരിതല താപം 0° സെൽഷ്യസ്സിനും താഴെയായി കുറയുന്ന പ്രദേശങ്ങളിൽ രൂപംകൊള്ളുന്ന ഘനീകരണ രൂപം:

    ഹിമം (Frost)

• അന്തരീക്ഷത്തിൻ്റെ താഴ്ന്ന വിതാനങ്ങളിലുള്ള പൊടിപടലങ്ങളെ കേന്ദ്രീകരിച്ച് ഘനീകരണം നടക്കുമ്പോൾ രൂപംകൊള്ളുന്ന പ്രതിഭാസം:

    മൂടൽമഞ്ഞ്

• മൂടൽമഞ്ഞിലൂടെയുള്ള ദൂരക്കാഴ്ച തിരക്കകുറവാണെങ്കിൽ (1 കി.മീറ്ററിലും താഴെ) അതിനെ കനത്ത മൂടൽമഞ്ഞ് (Fog) എന്നറിയപ്പെടുന്നു.

• ദൂരക്കാഴ്ച 1 കിലോമീറ്ററിലോ അധികമാണെങ്കിൽ നേർത്ത മൂടൽമഞ്ഞ് (Mist) എന്നറിയപ്പെടുന്നു.

• വ്യാവസായിക മേഖലയിൽ പുകയും മൂടൽമഞ്ഞും കൂടിക്കലർന്ന് അന്തരീക്ഷത്തിൽ രൂപംകൊള്ളുന്ന അവസ്ഥ:

    സ്മോഗ്